كسكسي باللحم العلوش والزبيب واللوز
المكّونات: 1 كلغ لحم علوش - 1 كلغ كسكسي - 1 بصل - حمص منفخ - طماطم معجونة - هريسة عربي - 2 فناجن زيت - كركم - فلفل أكحل فلفل زينة - ملح - زبيب ولوز - 6 قرون فلفل أخضر - ملعقة صغيرة قرفة - ملعقة صغيرة سمن حسب الرغبة
طريقة الإعداد: تفوح اللحم بالفلفل أحمر والملح والفلفل اكحل وملعقة زيت وشوية هريسة عربي وتخلّيه يرتاح نصف ساعة في الثلاجة. تقطع البصل شرائح مع زوز فناجن زيت وتضيف اللحم المفوّح وتقلّيهم شوية. تكمل تفوح بالفلفل زينة والطماطم والكركم والهريسة العربي وتخليهم يتقلاو ثمّ ترق بالماء الدافئ حتى يطيب اللحم. تضيف زوز قرون فلفل أخضر وشوية فلفل اكحل وتطفي النار. تصمط الحمص في الماء والملح والكركم وكيف يطيب تصفيه من الماء وتصب عليه شوية مرق الكسكسي وتخليه يرتاح شوية. تغسل الزبيب وتنفخو في شوية مرق الكسكسي. تبل الكسكسي بالماء وتفوّرو. بعد التفويرة الأولى ترش عليه ملعقة صغيرة قرفة مرحية وتعاود تفوّرو مرّة ثانية. ثمّ تضيف ملعقة سمن وتبثبثو بيديك ثمّ تسقيه بالشوية بالشوية.
تزيّن صحن التقديم: الكسكسي وفوقه الحمص والزبيب واللحم وما تنساش تقلي قرون الفلفل وتزيّن بيهم الكسكسي... تأكل بالشفا والهنا